Мемлекеттік қызметтің функционалын кеңейту арқасында енді балалар мен он сегіз жастан асқан қабілеті шектеулі азаматтарды қамқоршылары емханаларға eGov.kz порталы арқылы тіркей алады. Цифрлық мемлекеттік қызмет көрсетудің инклюзивті тәсілі әртүрлі санаттағы азаматтардың, соның ішінде мүмкіндігі шектеулі адамдардың әлеуметтік құқықтарын қорғауға оң әсер етеді.
Процедураның жеңілдігі
Бұрын бала кезінен мүгедек балаларды емханаға тіркеу үшін олардың заңды өкілдері тікелей емханаға жүгініп, сот шешімі немесе қамқоршылықты растайтын құжатты ұсынуы қажет еді. Жаңартылған қызмет арқылы қамқоршылар, қорғаншылар, патронат тәрбиешілері және балалар мен әрекетке қабілетсіз азаматтарға қамқорлық жасайтын басқа да адамдар өтінішті онлайн түрде рәсімдей алады.
Қызметті алу үшін қажетті қадамдар:
- eGov.kz порталында авторизациядан өту және «Денсаулық сақтау» бөлімінен «Емханаға тіркелу» қызметін таңдау.
- Өтініш берушінің санатын анықтау: «Балаға (18 жасқа дейін, оның ішінде қорғаншылық пен қамқоршылықтағы)» немесе «Заңды өкілге (әрекетке қабілетсіз немесе әрекет қабілеті шектеулі кәмелетке толғандарға)».
- Аймақ пен ауданды, емхананы, тіркеу себебін (көшу немесе еркін тіркеу), емдеуші дәрігерді таңдау, мекенжай мен байланыс нөмірін енгізу.
- Өтінімді толтырып, ЭЦҚ, QR-код немесе SMS растау арқылы қол қою.
Қызмет нәтижелері:
Өтінім қаралғаннан кейін пайдаланушы нәтижесін өзінің Жеке кабинетінде көре алады. Қызметті тұрғылықты жерін ауыстырған кезде немесе жылына бір реттен жиі емес медициналық ұйымды ауыстыру мақсатында да пайдалануға болады. Сонымен қатар, жыл сайынғы тіркеу науқаны барысында 1 қарашаға дейін медициналық ұйымды ауыстыруға мүмкіндік бар, бұл арқылы келесі жылдың басынан бастап қызмет алуға болады.
Анықтама:
«Ұлттық ақпараттық технологиялар» АҚ — «электрондық үкіметтің» инфрақұрылымын басқаратын оператор, сондай-ақ мемлекеттік органдардың ақпараттық жүйелеріне жүйелі-техникалық қызмет көрсетуді жүзеге асырады.