Солтүстікқазақстандық балуан Нұрқожа Қайпанов еркін күрестен әлем чемпионы атанды. Нұрқожаны әлем біріншілігіндегі жеңісімен СҚО әкімі Ғауез Нұрмұхамбетов құттықтады, деп хабарлайды Петропавловск.news.
«Нұрқожа қазақ тарихында Ризабек Айтмұқаннан кейін әлем чемпионы атанған екінші спортшы. Қайпановтың қайсарлығы, қажырлы еңбегі және асқан шеберлігі спорт сүйер қауымды ерекше қуантты. Солтүстік Қазақстанның мақтанышы барша қазақстандықтарға үлгі болдыңыз. Бұл жеңісіңіз жас спортшыларға шабыт беріп, ел абыройын әлемдік деңгейде асқақтатты. Алдағы уақытта да жаңа жетістіктерге жетіп, жеңіс тұғырынан көріне беріңіз!», — деп жазды облыс әкімі әлеуметтік желіде.